Mae Gwasanaeth Arlwyo Sir Gaerfyrddin yn darparu prydau ysgol ar gyfer 13 o ysgolion Uwchradd yn y Sir. Dros y blynyddoedd diwethaf, mae'r gwasanaeth wedi newid yn sylweddol trwy ddatblygu systemau arlwyo di-arian mewn 7 ysgol sy'n lleihau ciwiau, yn sicrhau gwasanaeth cyflymach a gwell profiad wrth fwyta.
£2.00 yw gwerth pryd ysgol am ddim yn ein hysgolion uwchradd (o Ebrill 2012). Yn ogystal, mae'r prisiau wedi sefyll yr un peth am yr ail flwyddyn.
Mae ein prydau i gyd yn cael eu paratoi yn ffres bob dydd gan ddefnyddio cynhwysion o ansawdd da. Ein nod yw sicrhau y gellir paratoi pryd iach a maethlon i bob disgybl ac y darperir ar gyfer y rhai sy'n llysieuwyr a'r rhai sydd â diet arbennig hefyd.
Mae'r adran arlwyo yn ddiweddar wedi prynu siop fwyd awyr agored newydd sydd wedi'i leoli yn Ysgol Coedcae yn Llanelli. Mae'r van yn profi i fod yn llwyddiant mawr.
Caiff pob bwydlen ysgol uwchradd ei mesur yn erbyn safonau cenedlaethol llym wedi'u cynhyrchu gan raglen o'r enw Saffron a fydd yn dod i rym yn gyfreithiol ym mis Medi 2013. Caiff dadansoddiad maeth ei gynnal yn rheolaidd drwy raglen Saffron.
Mae pryd ysgol yn cyfrif am draean o faeth dyddiol eich plant a bellach gall plant fanteisio ar rai o'r ciniawau ysgol mwyaf iach posibl. Mae'r cinio ysgol a ddarperir heddiw yn fwy iach nag erioed ac yn dal i gynnwys rhai o'r hen ffefrynnau blasus megis cinio rhost cig eidion, cig oen neu borc a chyrri cyw iâr. Darperir ar gyfer y sawl sy'n llysieuwyr a'r sawl sydd â diet arbennig hefyd.
Yn ddiweddar, mae'r adran arlwyo wedi prynu fan fwyd newydd sydd wedi'i lleoli yn Ysgol Coedcae yn Llanelli. Mae'r fan yn llwyddiant ysgubol.
Yn ogystal â darparu pryd ysgol iach, mae Cyngor Sir Caerfyrddin hefyd yn trefnu diwrnodau ar sail thema drwy gydol y flwyddyn yn ogystal â chystadlaethau er mwyn annog disgyblion i gymdeithasu ac i roi cynnig ar brydau newydd nad ydynt wedi eu profi o'r blaen. Yn ogystal, mae Prydau Bargen ar gael am £2.00 sy'n cynnwys prif gwrs a phwdin a diod ambell dro.
Mae croeso ichi gysylltu â ni os oes gan eich plentyn ofynion deiet arbennig oherwydd gall yr adran baratoi bwyd arbennig iddo/iddi. Cysylltwch â'r Adran Addysg a Phlant drwy ffonio (01267) 246537 i gael rhagor o wybodaeth.