Mae Treth y Cyngor yn cael ei phennu gan gynghorau lleol er mwyn helpu i dalu am y gwasanaethau a ddarperir yn eich ardal. Mae'r Cynghorau'n cael eu hincwm o dair prif ffynhonnell:

• Llywodraeth Cynulliad Cymru – Grant Cynnal Refeniw
• Trigolion Lleol – Treth y Cyngor
• Busnesau Lleol – Trethi Annomestig (a ailddosberthir gan Lywodraeth Cynulliad Cymru)

Mae Treth y Cyngor yn dreth ar eiddo ac mae iddi elfen bersonol. Mae'r elfen eiddo yn seiliedig ar fand prisio’r eiddo. Mae'r elfen bersonol yn ystyried nifer y bobl 18 oed neu hŷn sy'n byw yn yr eiddo, ac mae'n caniatáu gostyngiad dan rai amgylchiadau.

Sylwch:

Gall gwybodaeth am Dreth y Cyngor gael ei rhannu â sefydliadau eraill, megis adrannau'r llywodraeth ac awdurdodau lleol e.e. at ddibenion gwirio, fel y caniateir gan y gyfraith, a hefyd gellir ei rhannu ag Adrannau eraill o'r Cyngor er mwyn cyflawni gwasanaethau statudol.