Bydd angen i bobl sy'n derbyn gwasanaethau gofal cymdeithasol gael asesiad ariannol er mwyn gweld a oes modd iddynt dalu ac os felly, faint y gallant fforddio ei dalu. Mae gan y Cyngor un tâl am:
- Prydau bwyd mewn canolfannau gofal dydd
- Cludiant i ganolfannau gofal dydd
- Prydau Cymunedol
- Gwasanaethau golchi dillad
- Gwasanaethau Warden a'r Llinell Gofal
Mae pawb sy'n defnyddio'r gwasanaethau hyn yn talu'r un tâl. Penderfynir ar daliadau'r holl Wasanaethau Gofal Cymdeithasol eraill gan asesiad ariannol er mwyn cyfrifo faint y gall person fforddio ei dalu.
Caiff yr asesiadau ariannol eu cynnal gan y Tîm Asesu Taliadau Tecach a nhw hefyd fydd yn helpu i sicrhau eich bod chi'n derbyn yr holl fudd-daliadau y mae hawl gennych iddynt, ac yn eich helpu chi i gwblhau unrhyw ffurflenni sydd yn angenrheidiol.
Gallwch ddewis peidio â chael asesiad ariannol os ydych yn dymuno ond bydd hyn yn golygu y gallai fod yn rhaid ichi dalu'n llawn am gostau eich gofal.
I gael rhagor o wybodaeth ynghylch asesiadau ariannol, lawrlwythwch y daflen 'Canllaw i daliadau am Wasanaethau Gofal Cymdeithasol 2010-2011' neu cysylltwch â'r Tîm Asesu Taliadau Tecach drwy ffonio 01267 228977.